Astana Open Dialogue бірінші отырысы
2024 жылғы 7 маусымда өтті
Үкімет, бизнес және сараптамалық қоғамдастықтың беделді өкілдері Қазақстанның дамуының негізгі мәселелерін талқыға салды. Форум аясында лоббизм, журналистика және креативті экономика сияқты өзекті тақырыптарға арналған негізгі үш сессия өтті.
«Лоббизм, саяси консалтинг және аналитика. Өркениетті нарықты қалай құрады?» тақырыбындағы бірінші сессияда AOD негізін қалаушы Александр Данилов модератор болды
Талқылауға ҚР Парламенті Мәжілісінің депутаты Айдос Сарым; Қазақстан кәсіпкерлерінің құқықтарын қорғау жөніндегі уәкіл Қанат Нұров; AOD тең құрылтайшысы және «Халықаралық әлеуметтану және саясат институты» қоғамдық қоры директорының орынбасары Марат Шибутов; «Цифрлық Қазақстан» қауымдастығының басқарушы директоры Елена Бычкова; AOD, CEO B2C consulting group тең құрылтайшысы және Мәжілістің Қоғамдық палатасының мүшесі Айбек Күмісбеков және Qazaqstan Institute of Social Studies басқарушы серіктесі Әзиз Ысқақов қатысты.
Спикерлер лоббизм мен саяси консалтингтің ашық және кәсіби нарығын қалыптастыру қажет екенін талқыға салып, мемлекет пен бизнес арасындағы тиімді өзара іс-қимылдағы аналитиканың рөлін атап өтті.
«Жаңа Қазақстандағы журналистика: этика мен хайп арасында» атты екінші сессияжа AOD тең құрылтайшысы және «ҚазТАГ» ХАА тең құрылтайшысы Әсет Матаев модератор болды
Талқылауға Мәжіліс депутаты және Әлеуметтік-мәдени даму комитетінің төрағасы Асхат Аймағамбетов; ҚР Парламенті Мәжілісінің депутаты Сергей Пономарев; ҚР СІМ Коммуникациялар департаментінің директоры Айбек Смадияров; журналист және коммуникациялар жөніндегі маман Дана Саудегерова; саясаттанушы Ғазиз Әбішев; журналист және блогер Сырым Итқұлов қатысты.
Қатысушылар Қазақстандағы қазіргі заманғы журналистиканың сын-қатерлерін, кәсіби этиканы сақтау мен танымал болуға ұмтылудың арасындағы дилеммаларды, сондай-ақ бұқаралық ақпарат құралдарының қоғамдық пікірді қалыптастыруға әсерін талқылады.
«Қазақстанның креативті экономикасы: экономикасыз креатив бар ма?» тақырыбындағы соңғы сессия креативті индустрияны дамытуға арналды. Қазақстандағы БҰҰДБ Акселератор-зертханасының эксперименттік жобалар жөніндегі басшысы Данияр Мұқитанов модератор болды.
Спикерлер - ҚР мәдениет және ақпарат вице-министрі Евгений Кочетов; Қазақстандағы БҰҰДБ Тұрақты өкілінің орынбасары Сухроб Ходжиматов; суретші Әйгерім Кәрібаева; ForteBank маркетинг жөніндегі директоры Антон Ким; және QARA Studios бас продюсері Еркебұлан Күрішбаев.
Креативті экономиканы дамытудың әлеуеті мен кедергілері, шығармашылық шешімдерді экономикалық стратегияларға интеграциялау қажеттілігі және әртүрлі секторлардағы инновацияларды қолдау мәселелері талқыланды.
Іс-шараға 300-ден астам адам қатысты
Astana Open Dialogue таратылымына жазылу
Astana Open Dialogue
таратылымына жазылу
Алдағы отырыстар мен платформаның
аналитикалық баяндамаларының аңдатпасы
