Біз туралы

БІЗ ТУРАЛЫ

Astana Open Dialogue – бұл біздің заманымыздың негізгі елдік және өңірлік сын-тегеуріндер бойынша шешімдерді талқылауға және әзірлеуге арналған тәуелсіз платформа, оның ішінде, жария пікірталастар өткізіліп, аналитикалық құжаттар жасалады.

Astana Open Dialogue мақсаты –өзекті әлеуметтік, экономикалық және саяси мәселелерді талқылау, инновацияларды ілгерілету және озық тәжірибе алмасу арқылы Қазақстан мен Орталық Азия өңірінің прогрессивті дамуына ықпал ету.

Жоба тұрақты дамуға қол жеткізу және қоғамның әл-ауқатын арттыру үшін бірлескен күш-жігерді ынталандыру арқылы әртүрлі стейкхолдерлер арасындағы өзара түсіністік пен сенімді нығайтуға бағытталған

Astana Open Dialogue миссиясы экономикалық және саяси өлшемдерде үздік басқару тәжірибелерін енгізу мақсатында үкімет, бизнес, азаматтық қоғам және халықаралық қоғамдастық өкілдері арасындағы сындарлы диалог пен ынтымақтастық үшін ашық және тәуелсіз платформа құру болып табылады.

Біз Қазақстан мен Орталық Азия азаматтарының өмір сүру деңгейін арттыра алатын нақты нәтижелерге қол жеткізуге ықпал ету үшін әртүрлі салалардағы неғұрлым сындарлы және тиімді пікірлерді синтездеуге және біріктіруге ұмтыламыз.

Astana Open Dialogue негізін қалаушылар

Александр Данилов

Қазақстандық қоғам және саяси қайраткер.

Қазақстан Республикасының Парламенті Мәжілісі жанындағы Қоғамдық палатаның және VIII сайланған ҚР Парламенті Мәжілісіндегі Amanat партиясының партиялық тізімінің мүшесі, бұрынғы Қазақстан Республикасының Ақпарат және қоғамдық даму вице-министрі.

Ұлттық қоғамдық сенім кеңесінің мүшесі, бірқатар квазимемлекеттік ұйымның, БАҚ және университеттердің тәуелсіз директоры болған. Президенттік Жастар кадр резервінің мүшесі.

Үкіметтік емес салада, медиа және корпоративтік секторда тәжірибесі мол. Қазақстандағы саяси реформаларға арналған бірқатар аналитикалық баяндамалар мен мақалалардың бірлескен авторы.
Айбек Күмісбеков

Astana Open Dialogue негізін қалаушы, ҚР Мәжілісі жанындағы Қоғамдық палатаның мүшесі, «Е.Бөкетов атындағы Қарағанды зерттеу университеті» КЕАҚ Директорлар кеңесінің тәуелсіз директоры.

Корпоративтік клиенттерге, республикалық және жергілікті мемлекеттік органдарға арналған саяси және басқарушылық консалтингке маманданған компаниялар тобы B2C Consulting Group басқарушы серіктесі.

Үкіметтік емес секторда, сондай-ақ мемлекеттік қызметте және мемлекеттік компанияларда басшылық лауазымдарда жұмыс істеген.
Қазақстандағы саяси реформаларға арналған бірқатар аналитикалық баяндамалар мен шолулардың бірлескен авторы.
Әсет Сейтқазыұлы Матаев

Қазақстандық журналист және медиаменеджер. ҚазТАГ халықаралық ақпараттық агенттігінің тең құрылтайшысы.

Әл-Фараби атындағы Қазақ ұлттық университетін (2005) «журналистика» мамандығы бойынша, Georgian Institute of Public Affairs магистратурасын (2008) «медиаменеджмент» мамандығы бойынша бітірген. Студент кезінде журналистикамен айналыса бастаған. Exclusive шолу-аналитикалық журналының және Kazakhstan Today ақпараттық агенттігінің корреспонденті болып жұмыс істеген.

2008 жылы әкесі Сейтқазы Матаевпен бірге ҚазТАГ халықаралық ақпараттық агенттігін құрған. 2009-2015 жылдары Орталық Азияның бірқатар елінде ақпараттық агенттіктердің жұмысын ұйымдастырды. 2016 жылдың қазан айында «Индекс цензуры» Халықаралық ұйымының сыйлығына ұсынылған.

2020 жылдан бастап Әсет Матаев Қазақстан Журналистер одағының Алматы қалалық филиалының төрағасы қызметін атқарады.

2022 жылдың ақпан айында Әсет Матаев қазақстандық Hola News медиа жобасын сатып алды. 2024 жылдың қараша айынан бастап «За нами уже выехали» медиа жобасының иесі.
Марат Мақсұмұлы Шибутов

1977 жылы Алматыда туған. Білімі - географ.

2000-2012 жж. қоршаған ортаны қорғау саласында, негізінен мұнай-газ кен орындарын жобалауда жұмыс істеді. 2008 жылдан бастап саяси аналитикамен және сараптамамен айналысты, кейін бұл оның негізгі қызмет түріне айналды.

15 кітап пен оқу құралының, жүздеген мақаланың авторы. Зерттеу қызметінен басқа қоғамдық қызметпен де айналысады – қазіргі уақытта Президент жанындағы Ұлттық Құрылтай мүшесі, Парламент Мәжілісі жанындағы Қоғамдық палатаның мүшесі, мемлекеттік жоғары оқу орындары мен ғылыми институттардың ректорларын сайлау жөніндегі үкіметтік комиссиялардың мүшесі.

Astana Open Dialogue таратылымына жазылу

Astana Open Dialogue

таратылымына жазылу

Алдағы отырыстар мен платформаның

аналитикалық баяндамаларының аңдатпасы