5 шілдеде Astana Open Dialogue негізін қалаушы Александр Данилов Конрад Аденауэр атындағы Қордың делегациясымен - Бундестаг депутаты кеңсесінің басшысы Александр Гумбертпен және Өкілдік директоры Виктор Франктың міндетін атқарушы Тильман Кубанмен кездесу өткізді.
Кезедсу барысында тараптар бірлескен жұмыстың келешегі мен ықтимал бағыттарын талқылады. Талқылаудың негізгі тақырыптары сауда-экономикалық байланыстарды дамыту, сондай-ақ білім беру және көші-қон мәселелері болды.
Тараптар ЕО елдері мен Қазақстан Республикасы арасында бірлескен зерттеулердің жоқтығына назар аударды. Олар Қазақстан мен Германия сарапшыларының, ғылыми қоғамдастығы мен аналитикалық орталықтарының өзара іс-қимылы арқылы халықтық дипломатияны нығайтудың маңыздылығын атап өтті.
Александр Данилов екі ел халықтарының өзара мүдделері мен экономикалық өркендеуіне негізделген Қазақстан мен Германия арасындағы прагматикалық ынтымақтастықтың қажеттілігіне ерекше назар аударды.
Неміс институтының өкілдері Қазақстандағы цифрландырудың жоғары деңгейін және жасанды интеллекттің қарқынды дамып келе жатқанын атап өтіп, цифрлық индустрия саласындағы қазақстандық мамандардың жоғары біліктілігін атап өтті.
Кездесу қорытындысы бойынша тараптар экономиканы және аймақаралық қатынастарды дамыту үшін неғұрлым тығыз ынтымақтастықты жалғастыру жөнінде келісті.